2 ka menor-de-edad patay sang nakabunggo ang ila motorsiklo sa pader sa Maasin

ILOILO — Patay ang duha ka mga menor-de-edad nga lalaki sang nakabunggo ang ila ginasakyan nga motorsiklo sa pader sa Brgy. Tubang, Maasin kahapon sang kaagahon, Hulyo 30.

Suno kay Police Captain Jason Mausig, hepe, sang Maasin Police Station, halin sa banwa ang mga biktima nga lunsay naga-edad sang 16-anyos kag padulong sa Barangay Buntalan sang na-aksidente.

Ginpahayag ni Mausig nga nadulaan sang kontrol sa manibela ang driver kag nakabunggo sa pader.

Dugang ni Mausig, naka-inom sang makahulubog nga ilimnon ang mga biktima kag wala pa sang suksok nga helmet.