TIOLAS (INDIGAS-ASAN)-QUIANAN ROAD SA SAN JOAQUIN PUWEDE NA MAAGYAN SANG MAGAGMAY NGA SALAKYAN

ILOILO – Puwede na makaagi sa Tiolas (Indigas-asan)-Quianan road sa San Joaquin.

Base ini sa latest update ni Mr. Bert Sencida sang Community Affairs Office sang San Joaquin LGU kag volunteer sa Municipal Disaster Risk Reduction and Management Office.

Pero magagmay pa lang nga salakyan ang puwede makaagi sa amo nga karsada, suno kay Sencida. “Ang panugyan sang MDRRMO nga ma-proceed with caution kay may mga bato pa nga gagmay nga nagakahulog.”

Ginpanugyanan ang dalagku nga mga salakyan pareho sang mga trucks nga 10 tons ukon masobra pa ang bug-at nga mag-agi sa coastal area “via Anini-y, Antique.”

Pila ka beses nga ginsirado ang Tiolas (Indigas-asan)-Quianan road tungod sa pagkatiphag sang duta kag pagkahulog sang mga bato halin sa bukid sang nagsige-sige ang ulan halin sang weekend. —via Aksyon Hotline