Baligyaan sang chandeliers sa San Rafael, Mandurriao nasunog

ILOILO CITY — Base sa inisyal nga impormasyon, nagsugod ang kalayo sa kwarto sa idalum sang building suno man sa pahayag sang empleyado.

Nahamtang sa ibabaw sang building ang opisina kag stock room sang baligyaan sang chandeliers.

Lima na ka mga firetrucks ang nagresponder sa lugar tungod malapit sa gasolinahan ang nagakasunog nga building.

Ginbuka na sang mga bombero ang kristal nga dingding agud mapiswitan sang tubig ang sulod sang building.

Suno sa empleyado nga si Paul, gulpi lang nag-aso ang kisame sa first floor.

Ulihi na lang nila nakita ang kalayo sang nagdamol na ang aso.

Posible suno sa iya nga kuryente ang ginhalinan sang kalayo rason nga gilayon nila nga ginpatay ang main switch.

Madasig man nila nga ginpaguwa ang ila kliyente kag iban pa nga empleyado.