178 ka lugar sa Western Visayas ginabantayan sa BSKE 2023 – PRO 6

ILOILO — Gin-presentar sang Police Regional Office (PRO) 6 sa ginhiwat nga Regional Peace and Order Council meeting ang 178 ka mga lugar sa Western Visayas nga posible magin mainit sa Barangay kag Sangguniang Kabataan Election 2023.

Suno kay Commission on Elections (COMELEC) 6 Director, Atty. Dennis Ausan, Agosto 8 pa ang listahan nga gin-consolidate sang PRO 6. Posible nga madugangan ukon mabuhinan ang mga lugar nga ginabantayan sang Regional Joint Security Coordinating Center (RJSCC) tungod basehan ang mga nag-file sang Certificate of Candidacy.

Mahiwat man sang command conference sa Setyembre 21 ang RJSCC agud makahimo sang pinal nga listahan sang election areas of concern.

Lakip sa mga pag-identify sa election areas of concern ang may intensed political rivalry; may presensya sang armed group; insurhensya; kag may kasaysayan sang election incident.