2 sa 3 ka ginatudlo NPA members nga napatay sa engkwentro sa Leon nakilala na

ILOILO – Nakilala na ang duha sa tatlo ka ginapatihan miyembro sang New People’s Army (NPA) nga napatay sa engkwentro sa Barangay Cagay, Leon kahapon.

Ini ang ginkumpirmar ni Lieutenant Colonel J-Jay Javines, chief sang 3rd Division Public Affairs Office sang Philippine Army. Sa mga napatay, duha ang babaye samtang isa ang lalaki.

Ginkilala ang mga ini kanday Rebecca Alifaro alyas Jing, sang Cabatuan, Iloilo, secretary sang Southern Front, Komiteng Rehiyon-Panay; kag Jimmy Macauna sang Sibalom, Antique, miyembro sang Suyak Platoon Southern Front Komiteng-Rehiyon Panay.

Samtang padayon pa nga ginakilala ang isa ka bangkay.

Una na nga gin-report nga wala sang casualty sa mga soldado sang gobyerno sa nasambit nga engkwentro.

Note: Gina-validate pa sang Philippine Army ang kumpleto nga detalye sang mga napatay.