Kilid sang municipal library sang Dingle ginhabuyan sang granada

ILOILO — Ginhabuyan sang granada ang kilid sang municipal library sang Dingle las-12:05 kaina sang kaagahon.

Suno kay Iloilo Police Provincial Office, Director Police Colonel Ronaldo Palomo, M26 nga hand grenade ang ginhaboy base sa imbestigasyon sang Explosive and Ordnance Disposal Unit.

May duha na ka mga persons of interest nga ginatan-aw ang police sa paghaboy sang granada nga nagsakay sa motorsiklo agud makapalagyo.

Personal grudge ang ginatan-aw nga motibo ni Palomo sa krimen tungod sa padayon nga pag-conduct sang checkpoint sang Dingle police.

Suno naman kay Police Captain Aileen Lacrite, hepe sang Dingle Police Station, indi magnubo sa 10 ang ila ma-issuehan sang citation ticket kada adlaw.

Ginakabig nga isolated case ang natabo kag indi ini ma-angut sa election, suno sa police.

Wala naman sang may nasamaran sa insidente.