Pagtapos sang Hibao-an flyover indi mahingagaw sa Oktubre 15
ILOILO — Ginkabos sa tiempo ang Department of Public Works and Highways (DPWH) Iloilo City District Engineering Office sa target completion date nga October 15 sang Hibao-an Flyover, suno kay Planning Division Chief, Engr. Eduard Sudario.
Ginpahayag ni Sudario nga tungod sa wala untat nga pag-ulan subong nga bulan nabudlayan nga maghulag ang kontraktor gani indi pa matapos ang duha ka approach sang flyover.
Ginpasalig sang ahensya nga ila tapuson ang proyekto antes matapos ang tuig agud nga magamit.
Magluwas sa approach lakip pa sa mga nabilin nga ulubrahon ang pag-install sang street lights sa center island sang flyover.
Una nga nakapaguwa sang statement si DPWH 6 OIC, Engr. Sanny Boy Oropel nga ginhatagan niya sang plaso ang kontraktor nga matapos ang proyekto sa Oktubre 15 kag pabuksan niya sa publiko sa Oktubre 30.
Ang Hibao-an Flyover lakip sa tatlo ka mga flyovers sa Iloilo nga ginpa-obra agud nga makabulig sa paghagan-hagan sang trapiko.
