Barangay tanod lakip sa nadakpan sa drug buy bust operation sa Molo

ILOILO CITY — Nalakip ang barangay tanod sa apat ka nadakpan sa drug buy bust operation sa Zone 6, Barangay Boulevard, Molo pasado las 10:00 kagab-i, Oktubre 16.

Ginkilala ang mga nadakpan kanday Chris Ruvino, 42-anyos; Jhon Mark Ruvino, 31-anyos; Jack “Nonoy” Ruvino, 29-anyos nga main subject sang operasyon kag Junjun Ruvino, isa ka tanod barangay.

Nakuha sa main subject ang 14 ka sachets sang suspected shabu nga nagabug-at sang 65 grams kag nagabalor sang P440,000.

Ginhimo ang buy bust sa balay ni Nonoy sang Iloilo City Drug Enforcement Unit sa pagpanguna ni Police Captain Roque Gemino III.