4 ka major flyovers sa Iloilo gin-inspection ni former Sen. Franklin Drilon

ILOILO — Ginbisita ni former Ilonggo Senator Franklin Drilon ang Aganan, Ungka, Buhang kag Hibao-an flyover kahapon, Oktubre 19.

Katuyuan sang pagbisita ni Drilon sa mga flyovers nga makit-an ang kahimtangan sang mga imprastruktura nga iya gintinguhaan nga mapangitaan sang pondo.

Una nga ginkadtuan ni Drilon ang Buhang flyover, ikaduha ang Aganan Flyover. Naglabay man ang anay senador sa Hibao-an kag controversial nga Ungka Flyover.

Kaupod sang anay senador nga nagbisita sa mga flyovers kanday Department of Public Works and Highways (DPWH) 6 OIC, Engr. Sanny Boy Oropel kag Assistant Regional Director, Engr. Jose Al Fruto.

Kaina sang aga nagtambong sa Press Conference si Drilon kaupod ang More Power Electric and Power Corporation.

Kahapon, ginbisita man sang anay Ilonggo senator ang Jalaur Multi-Purpose Project II sa Calinog.