“I lost my sister/best friend” — utod sang Ilongga OFW nga napatay sa pag-atake sang Hamas sa southern Israel

ISRAEL – Nadulaan sang suod nga abyan kag utod ang taga-Maasin nga OFW sa Israel sang nakumpirmar nga ang magulang niya ang ikaapat nga Pinoy nga napatay sang gin-atake sang Hamas militants ang southern Israel sang Oktubre 7.

Ini ang paglaragway ni Mary June Prodigo sang ginpabalo siya sang embahada sa Israel nga kumpirmado nga ang iya utod nga si Grace Prodigo-Cabrera ang isa sa masobra isa ka libo ka napatay sa pag-atake sang Hamas.

Nagatrabaho si Grace nga caregiver sa iya 85 anyos nga employer sa Kibbutz Be’eri, ang komunidad nga malapit sa border sang Gaza sa diin naghalin ang mga militante. Ang Kibbutz Be’eri suno sa Israel Defense Forces ang isa sa may pinakamadamo nga napatay sa pag-atake.

“No words can explain the pain I feel right now…I lost my sister/ best friend..I thought babalik kapa..babalikan mo pa ako.. I’m not ready..madami pa sana tayong gustong gawin..madami ka pa gustong ituro saakin.. Now nawala na lahat….all the happy memories mapapalitan na ng pain,” ang kabahin sang Facebook post ni Mary June.

Una na nga nagpadulong ang pamilya ni Grace kay Maasin Mayor Francis Amboy agud magpangayo sang bulig tungod indi na nila ma-contact halin sang nag-atake ang Hamas. —via Mary June Prodigo/Facebook