Dismissed police officer dakup sa drug buy bust sa Arevalo, Iloilo City

ILOILO CITY —Dakup ang gin-dismiss nga pulis sa drug buy bust sa Jocson Street, Barangay San Jose, Arevalo pasado las-3 kahapon sang hapon.

Ginkilala ang subject kay Raul Romero nga residente sang Barangay Veterans Village, City Proper.

Suno kay Police Captain Glen Soliman, head sang Regional Police Drug Enforcement Unit, sa nagkalain-lain nga lugar sa Iloilo nagabaligya sang illegal drugs ang subject.

Ginpahayag ni Soliman nga na-dismiss sa serbisyo sang 2016 ang subject tungod nadakpan sa drug buy bust sa Molo.

Duha ka bulan nga gin-monitor ang subject antes gin-operate kag nadakpan.

Nabaklan sang isa ka sachet sang suspected shabu ang subject nga nagabalor P18,000.

Na-recover pa gid sa iya ang 13 ka sachets sang suspected shabu nga nagabug-at 65 grams kag may standard drug price nga P442,000.

Nakapalagyo pa si Romero sang gindala sa ospital para sa medical examination, pero na-surrender man siya sa Iloilo City Police Office. —via Maria Kayla Tingzon