Mga nagdaug sa BSKE2023 puwede gilayon makapungko kun makasumpa kag makapasa sang SOCE—Comelec 6 Director Ausan

Makapungko ang mga nagdaug sa bag-o lang natapos nga Barangay kag Sangguniang Kabataan elections kun maproklamar, makasumpa kag makapasa na sang Statements of Contributions and Expenditures (SOCE).

Suno ini kay Comelec 6 Director, Atty. Dennis Ausan.

“Ang pamangkot kun san-o ma-assume ang ginproklamar, gin-query officially sang DILG sa aton central office. Ang aton central office nagpagguwa sang sabat nga ‘immediately’ they can already assume once they are proclaimed kag naka-take oath kag naka-submit sang ila SOCE,” paathag ni Atty. Ausan.

Sa pagkahibalo ni Ausan, nagpaguwa ang DILG sang memorandum sa ila mga personnel nga nagamandu nga dapat mag-obserbar sang transition “to observe sang transition sa mga kinahanglanon nga turn over of records, accountabilities and properties, etc.”

Natalana ang deadline sa pag-file sang SOCE sa Nobyembre 29 ukon 30 ka adlaw pagkatapos sang adlaw sang piniliay.

Maathag suno kay Ausan sa Republic Act No. 7166 [AN ACT PROVIDING FOR SYNCHRONIZED NATIONAL AND LOCAL ELECTIONS AND FOR ELECTORAL REFORMS, AUTHORIZING APPROPRIATIONS THERFOR, AND FOR OTHER PURPOSES] nga indi makapungko ang nagdaug sa eleksyon kun indi maka-file sang SOCE. —via Aksyon Hotline