Ungka Flyover bukas bilog nga adlaw sa Nov. 1 & 2 — Mayor Jerry Treñas

ILOILO CITY – Buksan halin las-seis sa aga tubtob las-nueve sa gab-i ang Ungka Flyover sa Nobyembre 1 kag 2, suno kay Iloilo City Mayor Jerry Treñas.

Ini agud indi magpugok ang trapiko sa tiun sang Piyesta Minatay.

“Ungka Flyover will be open the whole day tomorrow and Nov 2 to help manage traffic in the area. This was cleared with the DPWH by PSTMO,” suno kay Mayor Treñas.

Sa subong, ginabuksan ang Ungka Flyover halin las-seis sa aga tubtob las-nueve sa aga; kag las-kuwatro sa hapon tubtob las-otso sa gab-i sa mga four-wheeled vehicles.