Iloilo City Mayor Jerry Treñas ginarekomendar sa tanan nga elected barangay kag SK officials nga magpaidalum sa drug test

Ginarekomendar ni Iloilo City Mayor Jerry Treñas nga magpaidalum sa drug test ang mga newly-elected Barangay kag SK officials antes magpungko sa puwesto.

Suno sa alkalde, may instruksyon siya sa kapulisan nga wala sang protektado nga bisan sin-o sa kampanya kontra illegal drugs.

Dugang pa ni Treñas, suportado niya ang tanan nga illegal drug operations sa syudad kag ginapanawagan niya nga amo man ang himuon sang tanan nga opsiyal sang barangay.

Antes ang eleksyon, na-post sa social media ang picture sang alkalde nga naka-thumbs up kaupod ang gina-angut sa illegal drugs sa panahon ni anay Presidente Rodrigo Duterte nga nagapadalagan sa Monica Blumentritt.

Sa pagpakig-angut sang Aksyon Radyo Iloilo sa alkalde, gin-athag niya nga wala sang schedule kag nagsaka lang sa iya opisina ang nasambit nga grupo.

Ginklaro man niya nga wala siya sang kandidato nga ginasuportaran sa nasambit nga barangay.