Iloilo City Liga ng mga Barangay Spox, PB Roberto Niño, Jr. nagbuyagyag nga may mga barangay officials sa siyudad nga drug users

ILOILO CITY – Ginkumpirmar ni Calumpang, Molo Punong Barangay Roberto Niño, Jr. nga may mga barangay officials sa siyudad nga nagagamit sang illegal nga druga.

“Personally, may ara kita nakilala [nga barangay officials] kag ini sila ma-consider naton nga [illegal drug] users. Pero as to the protector kag mga pusher, amo na ang wala naton mahibaluan. Indi guro kalab-ut 20 ang na-identify naton nga mga users because of the reports from the intel personnel sang ICPO kag diri sa Molo,” suno kay Niño.

Handa suno kay Niño ang mga barangay kapitan sa siyudad nga magsunod sa rekomendasyon ni Mayor Jerry Treñas nga magpa-drug test.

May katapusan nga meeting pa ang subong nga board sang Liga kag lakip sa istoryahan suno kay Niño ang pagpa-drug test sang mga nagdaug sa bag-o lang natapos nga barangay and SK elections. —via Aksyon Hotline