Crew sang barge nga nahulog sa Iloilo River bangkay na sang nasapwan kaina sang kaagahon
ILOILO CITY — Bangkay na sang nakit-an subong nga kaagahon si Joecel Tupas, 29-anyos, sang Brgy. Ayuyan, Passi City, ang crew sang barge nga nahulog 1:00 kahapon sang kaagahon.
Una na ginpahayag ni Coast Guard Iloilo Station Commander Paterno Belarmino nga nagapangihi sa kilid sang karsada ang lalaki sa atubang sang building sang DPWH 6 sang nahulog.
Gintinguhaan pa siya salbar sang iya upod apang wala na makita.
May mga impormasyon nga naka-inom sang makahulubog nga ilimnon ang lalaki.
Subong nga kaagahon, nakit-an sang Port security ang bangkay ni Tupas nga naga-utaw utaw sa Parola area gani gin-report gilayon sa Coast Guard.
