Portion sang ika-11 nga panalgan sang gina-construct nga building sa Megaworld, Mandurriao nasunog
ILOILO CITY — Nasunog ang ika-11 nga panalgan sang ginapatindog nga building sang Enterprise One sa Megaworld sa Barangay Airport, Mandurriao las 6 kagab-i.
Ginpahayag sang mga construction workers nga nagatrabaho sa lugar nga nahamtang sa amo nga panalgan ang mga gamit sa construction sang building.
Suno kay Iloilo City Fire Marshal Fire Supt. Melanie Habawel, indi pa nila matumod ang ginhalinan sang kalayo pero ginalantaw nga posible nag-umpisa ini sa mga construction materials pareho sang pinta, thinner, PVC pipes kag butane nga nahamtang sa nasunog nga panalgan.
Posible suno sa trabahante nga may naglupok nga butane gas sa nagakasunog nga panalgan rason sang nabatian nga walo ka mga lupok.
Magluwas sa BFP-Iloilo City, nagresponder man asng mga volunteer groups kag gingamit ang ila mga equipment agud mapalong ang kalayo nga naglab-ut sa 4th alarm. Gindeklarar nga fire out las 8:39 sang gab-i.
