Flower pots, concrete barriers sa Tabuc Suba, Jaro nabungguan sang pribado nga salakyan
ILOILO CITY —Apat ka flower pots kag isa ka concrete barrier sa tunga sang dalan sa Brgy. Tabuc Suba, Jaro ang naguba sang nabungguan sang pribado nga salakyan kaina sang kaagahon.
Suno kay Police Staff Sergeant Jeffrey Janay, traffic investigator sang Jaro Police Station, pakadto sa direksyon sang Jaro Plaza ang salakyan nga ginamaneho sang 47-anyos nga driver nga taga-Brgy. Sambag, Zarraga.
Sa imbestigasyon sang police, napiyungan ang driver gani nabungguan ang mga flower pots kag concrete barriers. Wala man nagapanimaho sang makahulubog nga ilimnon ang driver suno kay PSSG Janay.
