Disyembre 4 holiday sa Santa Barbara, Iloilo

ILOILO —Nagpaguwa si Santa Barbara, Iloilo Mayor Dennis Superficial sang Executive Order No. 69 series of 2023 nga nagadeklarar sang Disyembre 4 nga local holiday sa bilog nga banwa.

May kaangtanan ini sa kapiyestahan sang Santa Barbara sa amo nga fetsa.

Nabutang sa EO nga holiday sa Lunes para makapreparar ang mga taga-Santa Barbara sa selebrasyon sang fiesta.

Non-working holiday sa tanan nga opisina sang gobyerno kag attached agencies ukon offices nga nahamtang sa banwa. Ginakumbinyo man ang tanan nga local kag national government offices nga mag-upod sa pag-obserbar sang order bilang suporta “and advancement of the local culture and the arts.”

Ginpirmahan ni Mayor Superficial ang EO sang Disyembre 1. —via Santa Barbara LGU