16 patay sang nahulog sa pil-as ang Ceres bus sa Hamtic, Antique

16 ang kumpirmado nga patay sang nahulog sa pil-as ang Ceres bus sa Brgy. Igbucagay, Hamtic, Antique kahapon sang hapon, Disyembre 5.

Ini base sa pinaka-ulihi nga impormasyon halin sa Antique Provincial Government Facebook page nga gin-post las 3:00 kaina sang kaagahon.

Nabutang man sa post nga 28 ang nadokumento nga mga biktima sa aksidente base sa record sang Antique Provincial Disaster Risk Reduction and Management Council (PDRRMC) kag Angel Salazar Memorial General Hospital (ASMGH).

Samtang base naman sa official statement sang Vallacar Transit nga nagapanag-iya sang Ceres buses, may 24 ka pasahero ang bus nga padulong sa Culasi, Antique sang nahulog sa pil-as.

Sa amo man nga statement, ginpahayag sang Vallacar nga 12 ang nakumpirmar nila nga casualties–9 diri mga pasahero, ang ila driver, konduktor kag inspector.

Nagasaligmato ini sa mga numero nga una nagguluwa.

Una na ginpahayag ni Antique Governor Rhodora Cadiao sa interview sa programa nga Firingline sang Aksyon Radyo Iloilo, las 9:13 kagab-i nga 25 ang patay sa aksidente. Nahinambit man sang gobernador nga 53 ang pasahero sang bus.

Padayon nga gina-verify sang Aksyon Radyo Iloilo ang mga figures nga nagaguluwa.

S