Isa pa ka pasahero sang Ceres bus nga na-aksidente sa Antique napatay sa ospital
Naglab-ut sa 18 ang napatay sa pagkahulog sang Ceres bus sa pil-as sa Hamtic, Antique sang Disyembre 5.
Napatay samtang ginabulong sa Western Visayas Medical Center ang 21-anyos nga babaye tungod sa multiple injuries.
Ginkumpirmar ini nga impormasyon sang head sang Health Emergency Incident Command System sang WVMC nga si Mr. Richard Saltin.
Pito ka pasahero halin sa Angel Salazar Memorial General Hospital sa Antique ang ginsaylo sa WVMC. Sa subong, apat ang nag-improve na ang kondisyon kag isa ang nagapabilin nga kritikal. Ginsaylo naman sa private hospital ang isa pa ka pasahero nga may multiple injuries man.
