P4 million nga balor sang suspected shabu na-recover sa drug buy bust sa Arevalo

ILOILO CITY– P4 million nga balor sang suspected shabu ang na-recover sa drug buy bust operation sa Brgy. So-oc, Arevalo la-1 kaina sang kaagahon.

Ginkilala ang subject kay alyas Borgok, 40-anyos sang Brgy. Bakhaw, Mandurriao kag ginakabig sang police nga High Value Individual (HVI).

Nakuhaan ang subject sang 15 ka sachet sang suspected shabu kag walo ka dalagko nga sachets sang illegals drugs nga nagabug-at sang 600 grams . Na-recover man ang buy bust money nga P45,000.

Ginahibalo pa sang kapulisan kun diin nagakuha sang supply sang illegal nga druga ang subject.

Gintinguhaan sang Aksyon Radyo Iloilo News team nga makuhaan sang pahayag ang subject pero nagpamalibad nga magpa-interview.

Ginhimo ang operasyon sang Regional Police Drug Enforcement Unit (RPDEU).