Pagkadakop sa 4 ka high-ranking officials sang Communist Terrorist Group sa Tigbauan gindayaw sang Philippine Army
ILOILO– Gindayaw sang Philippine Army ang madinalag-on nga Law Enforcement and Security Operation sang Police Regional Office (PRO) 6 sa apat ka high-ranking officials Communist Terrorist Group (CTG) sa Barangay Buyuan, Tigbauan .
Nadakpan sang kapulisan sang Disyembre 7 kanday Raymond Camariosa Capulos alias Niel Calopez/Joan nga squad leader sang Komiteng Rehiyon-Panay (KR-P); partner ni Capulos nga si Maria Felomina Mamon alias Shera/Bona nga Regional Medical Staff sang KR-P; Dr. Fe Tigtig-Mamon alias Luhualhati/Red/Nessa nga Executive Committee Member sang Regional Headquarters kag Regional Medical Staff sang KR-P; kag bana ni Dr. Felomina nga si Manuel Mamon nga former Chairman of PISTON-Panay.
Base sa record, may warrant of arrest sa attempted murder and double destructive arson, multiple murders, direct assault, kag attempted homicide si Capulos. Samtang lakip si Maria Felomina sa grupo nga nagplano sa pagpang-harass sa Leon sang Pebrero 2023, suno sa 3rd Infantry (Spearhead) Division .
Ginatudlo naman nga si Dr. Mamon ang nag-facilitate sa extortion funds, naga-procure sang medical supplies, kag nagahatag sang assorted foodstuffs sa CTG members. Nagapanag-iya man si Dr. Mamon kag iya nga bana sang CTG safe houses.
Tungod sini, magapangatubang ang mag-asawa sang violation sa Section 12 sang Republic Act No. 11479, ukon Anti-Terrorism Law.
Ginpabutyag naman ni 3ID Commander Major General Marion Sison nga nakabulig ang amo nga operasyon sa pagpanikasog sang gobyerno nga matapos ang local communist armed conflict.
“This successful operation immensely contributes to the government’s effort to end local communist armed conflict. This particular operation should also serve as a strong reminder to the remaining CTG members that the long arms of the law will eventually catch up on them no matter where they hide. Whether in the caves in the mountains or their safe houses in the cities, security forces will be tireless in finding and bringing them to the bar of justice,” suno kay MGen Sison
