Business establishment sa City Proper ginserbihan sang closure order tungod sa pagbaligya sang makahulubog nga ilimnon sa 3 ka minors

ILOILO CITY — Temporaryo nga ginpasiraduhan sang Iloilo City Government ang D&J jungle bistro sa Aurora Subdivision, Bgy. Villa Anita, City Proper.

Sa closure order nga ginpirmahan ni Mayor Jerry Treñas, nag-violate ang management sang resto sa Regulation Ordinance No. 2012-180 ukon liquor ban for minors tungod ginpahanugutan nga makasulod kag ginserbihan sang makahulubog nga ilimnon ang tatlo ka menor-de-edad.

Na-rescue naman ang tatlo ka minors sa random inspection kag joint enforcement sang police.

Gin-turn over na sa ila ginikanan ang mga minors pagkatapos sang counseling sa Iloilo City Police Station 1- Women and Children Protection Desk.