Juvenile nga Philippine Serpent Eagle nga isa sa mga endangered birds sa Pilipinas na-rescue sa Dueñas

Ginakabig sang local government unit sang Dueñas nga “very rare event” ang pagkakita sang juvenile nga Philippine Serpent Eagle sa ila lugar.

Nakita ang serpent eagle, nga ginakabig isa sa mga endangered birds sa Pilipinas, sa residential area sa Brgy. Capuling, Dueñas.

Gin-rescue ini sang taga-Bureau of Fire Protection kag Municipal Disaster Risk Reduction and Management Council kag gindala sa DENR Barotac Nuevo.

Posible suno sa LGU Dueñas nga nagatuon pa lang sa paglupad ang agila.

Nagapati man ang LGU nga may breeding ground sa Panay sang amo nga species.