Dinagyang, Ati-Atihan Festival lakip sa mga finalists para sa Outstanding Festival Category sang Philippine LEAF Awards: Tertulia at Parangal 2024

Gin-anunsyar sang Philippine LEAF Awards ang mga finalists para sa Outstanding Festival Category Awards: Tertulia at Parangal 2024 halin sa Luzon, Visayas kag Mindanao.

Ang mga finalists sa Visayas amo ang Dinagyang sang Iloilo City, Ati-Atihan sang Aklan, Bailes de Luces sang La Castellana, Negros Occidental, kag Sinulog sang Cebu Province.

Sa Facebook post sang Philippine LEAF Awards, ginpili ang nasambit nga mga festivals tungod, “these festivals have captured the essence of unity, Filipino pride, celebration, and innovation.”

Tag-isa ka festival ang pagapiliun sa Luzon, Visayas kag Mindanao.

Hiwaton ang awarding ceremony sa Pebrero 8 sa Metropolitan Theater.

Ang Philippine LEAF Awards amo ang prestihiyoso nga award-giving body nga nagahatag sang pagkilala sa outstanding achievement sang mga Filipino artists sa live entertainment, fashion, arts, kag festivals. — via Philippine LEAF Awards/FB