Masobra P100,000 nga balor sang suspected shabu na-recover sa drug buy bust sa Iloilo City Proper

ILOILO CITY —Masobra P100,000 nga balor sang suspected shabu ang na-recover sa drug buy bust sa Barangay Zamora-Milleza, City Proper kagab-i.

Ginkilala ang subject kay Reniel Alejandro, 41-anyos kag residente sang amo nga barangay.

Suno kay Police Captain Roque Gimeno III, officer in charge sang City Proper Police Station, anay tokhang surrenderer si Alejandro.

Nakuha sa subject ang lima ka sachets sang suspected shabu nga ginabanta nagabug-at sang 23 grams. —via Maria Kayla Tingzon