Masobra tunga sa milyon nga balor sang suspected shabu na-recover sa buy bust operation sa City Proper
ILOILO— P632,400 nga balor sang suspected shabu ukon ginabanta 93 grams ang na-recover sa drug buy bust operation sa Brgy. Veterans Village, City Proper kagab-i, Pebrero 5.
Ginkilala ang subject kay Miriam Abilo, 42-anyos nga HVI kag yara sa BADAC list. Nadakpan man ang iya live in partner nga si Gerry Pericano, 45-anyos.
Suno kay Police Captain Roque Gimeno III, hepe sang City Proper Police Station, nabaklan ang babaye sang isa ka sachet sang suspected shabu kag na-recover pa gid ang walo ka sachets.
Si Miriam ang ginatudlo nga source sang durugista nga nadakpan man sa buy bust operation sa City Proper, suno kay Gimeno.
Sa impormasyon sang police, ang babaye ang source kag ang lalaki ang runner. Ginadul-ong lang sang lalaki paagi sa taxi ukon motorsiklo ang illegal druga.
May mga nakita man nga foil kag drug paraphernalia sa kusina sang balay sang duha kag ginapatihan nga nagagagmit sila sang illegal drugs.
NOTE: Amo ini ang nakita nga mga foil sa kusina.
