Mga opisyal sang Pavia LGU na-insulto sa karatula sang DPWH 6 nga may nasulat nga “This is where your taxes go”
ILOILO – Na-insulto si Pavia SB Member Pyt Trimañez sa nasulat sa karatula sang Department of Public Works and Highways (DPWH) 6 sa Ungka Fylover nga “THIS IS WHERE YOUR TAXES GO.”
Base sa karatula, ginapaidalom ang Ungka Flyover sa modification kag restoration sang contractor nga Monolithic Construction and Concrete Products, Inc., sugod sang Enero 8 subong nga tuig nga may contract cost nga P95,949,996.40.
“We’ve already spent P680 million, plus, plus, plus, not to mention ang huol, ang opportunity loss because waay man na siya naggamit, waay nabuksan sa ensakto nga tiun. But, subong ma-allot pa gid kita sang another pila naman ka million just to fix that and mahambal sila nga ‘this is where your taxes go.’ Ilonggo don’t deserve that,” suno kay Trimañez.
Ginakwestiyun man ni Trimañez kun ngaa gastuhan pa para sa jet grouting ang kadamuan nga piers sang flyover tungod base sa statement sang DPWH 6 wala na ini naga-usmod rason nga ginbuksan sa light vehicles ang imprastruktura. Una na nga gin-report nga nakitaan sang tuman nga pag-usmod ang ika-apat, ikalima, kag ika-anum nga mga haligi.
“Ang ginalibog sang ulo namon [tungod] if you could remember sa hambal sang DPWH nga piers 1,2,3,7,8,9 up to 16 wala na ni naga-usmod amo na nga ginpa-abrehan nila liwat. Ang question, kun waay na ni naga-usmod [and] I hope ma-explain ni nila, nga-a gastuhan for jet grouting sa ini nga mga piers kay suno sa ila, ‘waay naman ini naga-usmod.’ What’s the reason?”
