18 ka cottages sang beach resort sa Guimbal nasunog

ILOILO — 13 ka cottages ang totally damaged kag lima (5) ang partially-damaged sa sunog sa Double R Beach Resort sa Barangay Baras, Guimbal Iloilo mga las-10 kaina sang aga.

Suno kay FO2 John Mark Sensida, fire investigator sang Guimbal BFP, naga ikit-ikit lang ang mga cottages kag mahangin rason nga madasig naglapta ang kalayo.

Indi pa matumod sang BFP kun ano gid ang ginhalinan sang kalayo.

Apang wala sang linya sang kuryente ang mga cottage nga nasunog.

Wala man sang customers sang natabo ang sunog kag lunsay mga empleyado lang ang ara.

Ginabanta sa P400,000 ang kahalitan sang sunog.