3 patay sa vehicular accident sa Janiuay

ILOILO — Tatlo ang patay sang nagbungguanay ang duha ka motorsiklo sa national road sang Brgy. Jibolo, Janiuay pasado las-4:20 sang hapon sang Pebrero 15.

Ginkilala ang mga sakay sang Rusi 125 kanday Joem kag Marlon Benedicto samtang ang driver sang Honda TMX ginkilala kay Norman Gajo.

Suno kay Police Staff Sergeant Resel Barranco, imbestigador sang Janiuay Municipal Police Station, pakadto sa direksyon sang Janiuay ang Honda TMX nga motorsiklo samtang ang Rusi 125 pakadto sa direksyon sang Lambunao.

Nagasunod sa tricycle ang Rusi 125 nga motorsiklo sang nag-overtake kag naglapaw sa lane amo nga nabungguan ang nagasumalang nga Honda TMX.

Nakaagum sang patal nga pilas sa ulo ang mga biktima nga gintunaan sang ila kamatayon suno sa police.