Bakante nga lote sa Emerald Estate Subdivision sa Oton nasunog
ILOILO— Nasunog ang porsyon sang bakante nga lote sa sulod sang Emerald Estate sakop sang Brgy. Cagbang, Oton kahapon sang hapon, Pebrero 16.
Suno sa construction worker, natabo ang sunog samtang nagapahuway sila sa bankhouse nga tupad sang lote tungod breaktime na nila.
Posible suno sa iya nga may naghaboy sang upos sang sigarilyo sa bakante nga lote gani nasunog ang mga hilamon kag kahoy.
Madasig nga naglaton ang kalayo tungod mabaskog ang hangin, suno sa construction worker.
Nag-responde ang taga-Oton Fire Station kag nag-augment man ang BFP Tigbauan, San Miguel, ICAG Volunteer Fire Brigade kag Federation Iloilo Fire Brigade.
