Balay sa Maasin nasunog; BFP wala gilayon nakaresponder tungod ulihi na na-report sa ila

ILOILO— Totally damaged ang balay sa Barangay Nasuli, Maasin sang nasunog kahapon, Pebrero 20.

Suno kay Senior Fire Officer 1 Rey Jabao, imbestigador sang Maasin Fire Station, nasunog ang balay las-2 sa hapon pero las-2:57 na na-report sa ila tungod mabudlay mangita sang signal sa lugar.

Pag-abut sang mga bombero sa lugar, upos na ang balay nga human sa light materials gani naghimo na lang sila sang mapping operation agud mapatay ang mga baga.

Sa imbestigasyon sang Maasin BFP, ginsugo sang tagbalay ang iya hinablos nga magdigamo sa ila kusina gamit ang kahoy. Naglakat suno sa iya ang hinablos samtang tulog ang tagbalay sang nag-ibwal ang kalayo tubtob nalab-ut ang iban nga porsyon sang balay.

Naglab-ut sa P21,000 ang ginbilin nga kahalitan sang sunog, suno kay Jabao.