6 pilason sang nagbungguanay ang duha ka tricycle sa Arevalo
ILOILO CITY — Pilason ang anum ka mga sakay sang duha ka tricycle sang nagbungguanay sa Sto. Niño Sur, Arevalo kagab-i, Pebrero 25.
Suno kay Police Senior Master Seargent Lougen Alarcon, imbestigador sang Arevalo Police Station, padulong sa direksyon sang Sto. Niño Sur ang tricycle nga may apat ka pasahero sang naglapaw sa linya ang isa pa ka tricycle nga pakadto naman sa direksyon sang Sto. Niño Norte gani nagbungguanay.
Ginpahayag ni Alarcon nga wala sang pasahero ang tricycle nga pakadto sa Sto. Niño Norte nga nagapanimaho sang makahulubog nga ilimnon ang driver.
Nakaagum sang pilas sa ulo ang driver sang tricycle nga wala sang pasahero samtang may yara sang pilas sa nagkalain-lain nga parte sang lawas ang apat ka mga pasahero kag driver sang isa ka tricycle.
Natalana nga magkitaay buwas ang mga involved sa aksidente agud istoryahan ang settlement sa natabu. — via Aksyon Kayla Tingzon
