7 ka competing groups mapasundayag sa Sinamba sa Regatta sa Marso 2
ILOILO CITY — Pito ka mga competing groups ang mapasundayag sa Sinamba sa Regatta nga isa sa mga aktibidad sa Paraw Regatta Festival 2024.
Suno kay Atty. Runiel Reel Matorres, President sang Junior Chamber International (JCI) Iloilo, “almost prepared” na ang mga grupo nga mapasakop sa kompetisyon kag ginahulat na lang ang ila mangin performance sa Marso 2.
Maga-umpisa ang Sinamba sa Regatta las-4 sa hapon paagi sa Street Dance Competition halin sa Bonifacio Drive padulong sa Iloilo Freedom Grandstand sa diin ma-umpisa ang kompetisyon las-6 sa gab-i.
Ang grupo nga mapasakop ang Grupo Las Brillas; Grupo UI PHINMA OS Melhores; Grupo Sra. Lucida Estella Escola De Samba; Grupo Del Oeste; Grupo Ilonggo De Saltatores; Grupo Baile De Obreros;kag Groupo Fuerte Baile.
Lauman suno kay Atty. Matorres nga “They will have something to show more as compared to last year nga performance.”
Magluwas sa Sinamba sa Regatta, gina-organize man sang JCI-Iloilo ang Pinta Layag nga ma-umpisa buwas, Pebrero 26 tubtob Marso 2; Pinta Regatta sa Pebrero 27; Pinta tawo sa Marso 3; kag Beach bodies sa Marso 3.
