Bangkay sang lalaki nga gin-report nga nalumos sa suba sa Zarraga nakita na

ILOILO— Nakita na subong nga hapon ang bangkay sang lalaki nga gin-report nalumos sa suba sa Barangay Balud II, Zarraga sang Domingo sang aga, Pebrero 25.

Suno sa Incident Commander nga si Architect Alberto Gimay sang Municipal Disaster Risk Reduction and Management Office, didto man sa suba nakita ang bangkay ni James Castillano sang Dongsol, Pototan nga naglutaw lang.

Una nga gin-report nga nagpaligo si Castillano upod ang apat niya ka mga abyan sang gulpi lang siya nagsarurot.

Ginpahayag ni Gimay nga kantilado ang suba tungod ginahimo ini sadto nga quarry site gani may mga porsyon nga manabaw kag may madalum.

Posible naman nga nagpilit ang biktima sa mga buho sa idalum sang suba. — via Maria Kayla Tingzon