Masobra P500k nga balor sang suspected shabu na-recover sa buy bust operation sa City Proper

Na-recover sang Iloilo City Police Station 1 Station Drug Enforcement Team ang ginabanta 82 grams sang suspected shabu sa drug bust operation sa Brgy. Veteran’s Village, City Proper kagab-i.

Ginkilala ang mga nadakpan kanday alyas Tawing nga ginakabig sang police nga high value individual kag si alyas Ron, street level individual.

Nabaklan sang isa ka sachet sang suspected shabu ang mga nadakpan sa balor nga P12,000.

Dugang nga na-recover ang 16 ka sachets sang suspected shabu nga may standard drug price sang P557, 600.