Lineman sang ILECO 1 patay sang napilpilan sang poste sa Miagao

ILOILO — Patay ang lineman sang Iloilo Electric Cooperative (ILECO) I sang napilpilan sang poste sa Barangay Igtuba, Miagao kahapon, Marso 10.

Suno kay Police Lieutenant Ricky Encina, deputy chief sang Miagao Municipal Police Station, may sayluhon kuntani nga poste ang mga naga-ubra sa lugar pero sang ginpasaka na ang boom sang crane, gulpi lang napalos ang higot rason nga natumbahan sang poste si Ernesto Gabiloria Jr., residente sang Gimeno Street, Guimbal.

Ginapahayag ni Encina nga gilayon gindala si Gabiloria sa ospital pero napatay samtang ginabulong.

Human sa metal ang poste nga may kataason nga 40 ka tapak.

May ginahimo nga clearing operations ang ILECO I sa lugar kadungan sa 12 oras nga scheduled power interruption nga ginpatuman sang National Grid Corporation of the Philippines sa pila ka mga lugar nga sakup sini. — via Aksyon Kayla Tingzon