P1.8 million nga balor sang suspected shabu na-recover sa buy bust sa Jaro

ILOILO CITY – Apat ang dakup kag P1.8 million nga balor sang suspected shabu ang nakuha sa buy bust sa Jaro.

Ginhimo sang City Drug Enforcement Agency sang Iloilo City Police Office ang buy bust kahapon sang aga, Marso 16.

Main subjects kanday alyas Pau-Pau, 49-anyos, kag alyas Kirk, 40-anyos.

Magluwas sa duha, gindakup man ang duha pa nila ka upod sang ginhimo ang operasyon.

Nabaklan sang isa ka plastic sachet sang suspected shabu ang mga nadakpan sa balor nga P8,000.

Na-recover ang dugang nga 12 ka sachets nga ginabanta nagabug-at sang 90 grams kag may street level price sang P1,800,000.

Suno kay PLTCOL Antonio Benitez, Jr., head sang CDEU, na-monitor ang illegal nga aktibidad sang mga nadakpan tungod sa reklamo sang mga residente. —via Paula Jane Elambayo