Call center agent nga nagatabok sa pedestrian lane patay sang nabungguan sang modernized jeep sa Brgy. Airport, Mandurriao

ILOILO CITY — Patay ang 55-anyos nga call center agent sang nabungguan sang modernized jeep sa Brgy. Airport, Mandurriao kaina sang aga.

Suno kay Police Lt. Col. Ethan Estaya, head sang Traffic Management Unit sang Iloilo City Police Office nagatabok sa pedestrian lane ang lalaki.

Sa pagpangusisa sang police, ginpabutyag sang driver nga si Mark Babriera, 24, anyos, nga gulpi lang nagtabok ang biktima rason nga nalab-ot gid.

Halin sa area sang Tabucan kag pakadto sa transport hub sa amo nga area ang modernized jeep.

Yara subong sa custody sang Mandurriao police ang driver sang modernized jeep.

Suno sa police, posible nga nag-overspeeding ang driver sang modernized jeep.