15 ka modernized units sang Joroshely Transport Services, Inc. nagapameligro nga madulaan sang prangkisa tungod sa aksidente sa Airport, Mandurriao
ILOILO — Nagapameligro nga madulaan sang prangkisa ang 15 ka units sang modernized jeepneys sa idalum sang ruta nga ginapanag-iyahan sang Joroshely Transport Services, Inc. makaligad nga nakabunggo sa call center agent ang isa ka unit sang kompaniya nga ginhalinan sang iya kamatayon sa Airport, Mandurriao sang Marso 20.
Ini kun magguwa sa imbestigasyon sang otoridad lakip sang LTFRB 6 nga may kapaltahan ang driver kag mismo ang kooperatiba.
Suno kay Mr. Halley Alcarde, spokesperson sang alyansa sang transport cooperative sa siyudad sang Iloilo, base sa pagsulundan sa idalum sang PUVMP kun diin na-consolidate sa isa lang ka ruta ang mga units sang modernized jeepneys, kun ikanselahon ang prangkisa sang isa ka unit maapektuhan man ang nabilin pa nga mga units sa amo nga ruta.
