Anay preso dakup sa drug buy bust operation sa Tigbauan
ILOILO— Liwat nga nadakpan sa drug buy bust operation sa Brgy 8, Tigbauan ang 51-anyos nga lalaki nga nakaagi naman presu sa kaso may kaangtanan sa illegal drugs.
Ginkilala ang subject kay Nolly Castor sang Brgy. Tanpael, Tigbauan.
Suno kay Police Captain Jorge Lenantud, OIC sang Tigbauan Municipal Police Station, 2015 sang nadakpan sa drug buy bust operation si Castor kag 2023 lang nakaguwa sa presuhan.
Na-monitor nga may nagadul-ong sang supply kay Castro kag gina-distribute lang sa pila ka mga lugar sa Tigbauan, suno sa police.
Lima ka sachets sang suspected shabu nga nagabug-at sang 21 grams nga may Standard Drug Price nga P142,800 ang na-recover.
