Masobra tunga sa milyon nga balor sang suspected shabu na-recover sa mag-live-in partner sa City Proper

ILOILO CITY — Nakuhaan sang 82 grams nga suspected shabu ang mag-live in partner sa drug buy bust operation sa Brgy. Muelle Loney, City Proper las-9:45 kagab-i.

Nadakpan kanday alyas Nonoy, 48-anyos nga High Value Individual drug personality, kag Beverly Castro, 30-anyos sang Brgy. Buyoan, Tigbauan.

Suno kay Police Captain Roque Gimeno III, hepe sang City Proper Police Station, drug surrenderer si alyas Toto nga napreso sang 2016 ukon 2017 kag nakaguwa paagi sa plea bargaining agreement.

Dugang pa ni Gimeno, sang nagligad pa nga tuig nag-umpisa ang monitoring sa duha pero subong lang nadakpan.

Sa operasyon sang City Proper Police Station Drug Enforcement Team, na-recover ang suspected illegal drugs nga may Standard Drug Price nga P557,600 kag may Street Price nga P1,640,000. — via Aksyon Maria Kayla Tingzon