Garin, Tupas, Gorriceta nagaguwa nga mga apelyido agud mangin running mate ni Iloilo Gov. Arthur Defensor, Jr. sa 2025 Midterm Elections
May mga apelyido na nga nagaguwa nga mangin running mate ni Iloilo Governor Arthur Defensor, Jr. sa 2025 midterm elections.
Base sa initial nga impormasyon nga nakuha sang Aksyon Radyo Iloilo, may posibilidad nga mapadalagan bilang Vice Governor ang mag-utod nga kanday Engr. Beng kag 5th District Congressman Raul Tupas.
May chansa man nga mapapili sa kapareho nga posisyon kanday Department of Energy Under Secretary Sharon Garin, Miagao Mayor Richard Garin kag 1st District Congreswoman Jannete Garin.
Una na nga nagguwa ang pangalan ni 2nd District Congressman Michael Gorriceta nga mangin running mate ni Defensor apang wala ini gindirekta nga ginsabat sang gobernador sang ginpamangkot siya sang mga katapo sang media.
Sa subong, wala pa sang desisyon si Defensor kun sin-o ang mangin iya kaupod sa 2025 midterm elections apang kinahanglan suno sa iya nga miyembro man ang iya mangin vice governor sang Partido Federal ng Pilipinas.
Ginkumpirmar ni Defensor nga wala sang congressman sa Iloilo kag Iloilo City nga masaylo sa PFP. — via Aksyon Cedrick Anona
