Bangkay sang lalaki nakita nga nagalutaw sa lawod sa Miagao
ILOILO — Nakit-an nga nagalutaw ang bangkay sang lalaki nga nagalutaw sa lawod malapit sa Barangay Baybay Norte, Miagao mga las-11:30 kahapon sang aga, Abril 5.
Suno kay Police Captain Francis Donne Lomahan, hepe sang Miagao Municipal Police Station, nakit-an sang manugpangisda nga pakadto sa lawod ang bangkay gani nagbalik siya sa baybay agud magpangayo sang bulig.
Ginpadulungan ini sang mga personnel sang Philippine Coast Guard kag Municipal Disaster Risk Reduction and Management Council (MDRRMC) agud ma-retrieve ang bangkay.
Sa pag-imbestigar sang police, nakita nga posible madugay na nga yara sa tubig ang lalaki tungod madamo na siya sang mga pilas nga ginpatihan ginkaon sang mga isda.
Padayon ang koordinasyon sang Miagao police sa mga kaiping nga mga banwa tungod tubtob subong wala pa makilal-an ang lalaki.
