Mass oath-taking sang Partido Federal ng Pilipinas sa Iloilo gina-istoryahan pa kun madayon sa Abril 10

Gina-istoryahan pa sa Malacañang kun madayon ang mass oath-taking sang masobra 700 ka mga local officials sa Iloilo sa Partido Federal ng Pilipinas (PFP).

Nahibaluan nga sa Abril 10 kuntani hiwaton ang oath-taking apang base sa reliable source sang Aksyon Radyo Iloilo, may tambungan nga event sa luwas sang pungsod si Cong. Alexander Marcos nga bata ni Pres. Ferdinand Marcos, Jr. nga ginapaabot nga magtambong sa event.

Ginpahayag ni PFP Regional Head, Iloilo Gov. Arthur Defensor, Jr. nga dapat may matag-as gid nga opisyal sang partido nga magtambong sa oath-taking.

Lakip sa mga masumpa kuntani sa PFP ang bata ni Iloilo City Mayor Jerry Treñas nga si Executive Asst. Raisa Treñas-Chu kag ang pila ka mga konsehal sa siyudad.

Nahibaluan nga ang Partido Federal ng Pilipinas ang partido ni Pres. Marcos. — via Aksyon Cedrick Anona