P1.4 million nga illegal drugs, 12-gauge shotgun, kag mga bala lakip sa mga na-recover sa drug buy bust sa City Proper
ILOILO CITY — Tatlo ang nadakpan sa drug buy bust operation sa Veteran’s Village, City Proper subong nga hapon.
Sa initial nga impormasyon, magluwas sa na-recover nga 19 ka sachets sang illegal drugs, nakuha man ang 12-gauge shotgun kag mga bala.
May estimated market value nga P1,380,000 kag nagabug-at sang 69 grams ang 19 ka sachets sang suspected shabu.
ginpanginwala sang main subject nga si Karabaw nga nagabaligya siya sang illegal nga druga pero gin-ako niya nga nagagamit siya.
Ginpahayag ni Kapitan David nga madugay na nga yara sa drug watchlist sang barangay si alyas Karabaw.
Madugay naman siya nga gina-monitor tungod indi lang taga-Veterans ang iya mga parokyano kundi mangin sa mga kaingod nga barangay.
Ginpabutyag man ni Kapitan David nga antes ang buy bust operation, nagapabati-bati na si alyas Karabaw nga mabato siya sa pulis. — via Aksyon Angel Mae Ciudad/Marvin Malificiar
