P8.6 million nga balor sang suspected shabu, pusil na-recover sa HVI sa drug buy bust sa Caingin, La Paz

ILOILO CITY — Nadakpan sa drug buy bust operation ang ginakabig high value individual (HVI) sa Zone 3 Barangay Caingin, La Paz kaina sang aga.       

23 ka sachets sang suspected shabu nga nagabalor sang 8.6 million pesos kag 45 kalibre nga pusil ang na-recover kay Damian Cataluña, residente sang amo man nga lugar. 

Suno Police lieutenant Colonel Antonio Benitez, head sang City Drug Enforcement Unit sang Iloilo City Police Office, isa ka bulan kag isa ka semana ang ila monitoring sa subject.  

Dugang pa niya nga makapila na ka beses nadakpan sa drug buy bust si Cataluña kag nakagwa lang tungod sa plea bargaining agreement. Nagbalibad nga magpa-interview ang subject. — via Aksyon Angel Mae Ciudad