Numero sang mga residente sa Iloilo City nga apektado sang manubo nga water supply tungod sang El Niño nagdoble

Nagdoble ang numero sang mga residente sang Iloilo City nga apektado sang manubo nga water supply tungod sa epekto sang El Niño.

Suno kay Engr. Neil Ravena, head sang General Services Office kag City Environment and Natural Resources Office, “Nag-monitor kami last two weeks ago. Last time 9,000 pa lang ang affected individuals [sang manubo nga water supply], kahapon as of 5pm Friday [sang] nag-meet kami kay Mayor [Jerry Treñas] nag-increase na almost double ang affected individuals which is 17, 777. Meaning nag-worsen na ang scenario.”

Ginpahayag ni Ravena nga gin-report na sang team kay Mayor Jerry Treñas ang sitwasyon sang kabaranggayan sa diin tatlo na ka bubon ang namalhan sang tubig sa Muelle Loney, City Proper.

Mapatawag ang alklade sang meeting upod sa disaster council sa masunod nga semana agud madesisyunan kun kinahanglan na nga ideklarar ang state of calamity tungod sa kakulang sang water supply sa syudad.

Daku ang posibilidad nga ideklarar ang state of calamity suno kay Engr. Ravena agud mahatagan sang dugang nga aksyon ang nagalala nga sitwasyon sang syudad.

Nagakinahanglana na suno sa iya nga mag-augment sang tubig halin sa iban nga sources agud malikawan ang mga balatian.