State of calamity gindeklarar sa Iloilo City tungod sa kakulang sang water supply

Gin-aprubahan sang Iloilo City Council ang rekomendasyon sang Iloilo City Disaster Risk Reduction and Management Council (CDRRMC) nga ipaidalum ang siyudad sa state of calamity tungod sa water shortage nga epekto sang nagapadayon nga el niño phenomenon.

Una na gin-aprubahan ni Mayor Jerry P. Treñas, chairman sang CDRRMC ang proposal sang council para sa calamity declaration.

Kadungan sang special session kahapon, Abril 22, gin-aprubahan man ang P12,544,200 nga budget sang Iloilo City Government.

Gamiton ang pondo sa pagbakal sang 53 ka water tanks nga ibutang sa mga barangay nga tuman ka apektado sang water crisis kag dugang nga supply sang tubig halin sa water suppliers nga amo naman ang i-distribute sa mga pumuluyo. — via Aksyon Justice Savannah Pamplona